Неколкумина активисти денеска објавија дека започнуваат иницијатива наречена „Да ја спасиме Попова Шапка“, која ќе се спротивстави на запоставувањето на овој туристички центар.

„Свесни дека живееме во една природна убавина како што е Шар Планина кој што го допира и нашиот град. Свесни сме за здравственото, еколошкото, туристичкото и економското значење кое го поседува Попова Шапка. Загрижени сме за несовесноста, неодржливоста, заборавените инвестиции, уривањето на едно од најпознатите рекреативни места од поранешна Југославија, и тоа од самите локални и државни институции.
Ние сакаме Попова Шапка да ја гледаме што подобра, почиста, средена според стандарди, искористена од еколошки, туристички и рекреативен спортски аспект“, велат од иницијативата.

Активистите ја изразија нивната загриженост за уништувањето на туристичкиот центар во овие 15 години, оставајки го без инвестиции, без инфраструктура, без одржување, без никаков конкретен проект и без модернизирање на туристичките капацитети.

Тие најавуваат разни активности и ги повикаа сите граѓани и експерти за туризам да им се придружат и да им дадат подршка за спасување на Попова Шапка.