Почитувани,

 

По повод воспоставувањето на дипломатски односи со Република Малта под Уставно име, Претседателот на Македонската Алијанса, Ѓорѓија Џорџ Атанасоски, го соопштува следното:

 

Македонската Алијанса ја поздравува дипломатската нота со која Република Малта го признава Уставното име на Република Македонија. Воспоставувањето на дипломатски односи меѓу Македонија и Малта доаѓа во исклучително чувствителен период за нас, во кој сите соседи се обидуваат да ја злоупотребат нашата политичка криза за притисок и мешање во внатрешните работи. Земајќи ја предвид и хистеријата на радикалните Грчки структури по Македонското прашање, која доби на динамика изминатата година, потегот на Малта е уште една дипломатска шлаканица за официјална Атина.

 

Значењето што е 135 земја која ни го признава Уставното име е уште поголемо земајќи предвид дека Малта во првата половина од 2017 претседава со Европската Унија. Ова е сигнал за останатите земји членки кои треба да го следат примерот на Малта.

 

Во таа насока, Македонската Алијанса го повикува новиот Претседател на Европскиот Парламент, Антонио Тајани, да не потпаѓа под притисокот на Грција. Ниту Александар Македонски бил Грк, ниту Македонија и Македонскиот народ некогаш ќе се откажат од сопствениот национален идентитет и вековно име. Протестните ноти на Грчките Европратеници се дел од нивниот иредентистички фолклор зачинети со нивните досадни обвинувања дека наводно се некој друг сака да ја фалсификува нивната историја, а во суштина нема поголеми фалсификатори од нив самите.

 

Признавањето на Уставното име од Малта треба да биде мотив плус за Македонските политички партии, во овој суптилен момент, јавно да се обврзат дека никој нема да се согласи да преговара за промена на светото име Македонија и Македонскиот идентитет.

 

 

 

МАКЕДОНСКА АЛИЈАНСА

Претседател,

                                                                                    Ѓорѓија Џорџ Атанасоски