Автори Posts by Игор Мицкоски

Игор Мицкоски

57 POSTS 0 КОМЕНТАРИ

МАРТА ТОМОВСКА: ДО ФОРМИРАЊЕ ВЛАДА НЕМА НОВИ ВРАБОТУВАЊА

Додека не се формира влада, не може да се објавуваат огласи за редовни вработувања на неопределно време, изјави денеска министерката за информатичко општество и администрација Марта Арсовска Томовска.

– Постои законска забрана, до формирање нова влада да има нови вработувања, освен во ситуации кога се работи за итни и неодложни активности при што е потребно институцијата да обезбеди потврда дека навистина се работи за такво нешто од страна на Државната комисија за спречување корупција, рече министерката, одговорајќи на новинарски прашања пред обраќањето на Глобалниот самит на жени лидери 2017.

Според неа, јавни огласи за редовни вработувања на неопределно време нема уште од денот на распишувања на изборите, а во овој меѓу период, имало ангажирања само на сезонски работици во ЈП Македонски шуми и Македонија пат.

– Многу малку вработувања имаше во текот на минатата година, а сега, и во овој период, ќе видиме како ќе биде со изборите. Додека не се формира влада, не ќе може да се објавуваат огласи, потенцира Арсовска Томовска.

Извештајот за вработувањата во 2016 година, рече, ќе биде објавен во текот на следните 15-на дена. – Имаме законска обврска до 31 март да го објавиме Извештајот, но во фаза е на подготовка. Ќе видите точни податоци, каде, колку, зошто,…се реализирани вработувања, истакна Арсовска Томовска

МАКЕДОНИЈА ОСТАНУВА СО „ББ“ ЕКОНОМСКИ РЕЈТИНГ

Фич го потврди „ББ“ рејтингот на Македонија. Како што наведуваат од кредитната агенција, потврдата на рејтингот се должи на добрата монетарна и солидната и прудентна макроекономска политика.

Фич посочува дека земјата согласно економските перформанси и резултати заслужува и повисок ранг, но поради политичката криза тие само го потврдуваат рејтингот.

Согласно проекцијата на Фич, македонската економија во 2016 година забележала раст од 2,6 отсто од БДП.  За 2017 агенцијата смета дека Македонија ќе има економски раст од 3,4 отсто благодарение на растот на извозот и на јавните и приватните инвестиции.

Фич ја оценува фискалната позиција на Македонија како „над ББ рејтингот“, а јавниот долг како одржлив. Дефицитот на тековната сметка е адекватно финансиран од приливите на странските директни инвестиции.

Денарот е стабилен, како што посочуваат од Фич, благодарение на посветеноста на Народната банка за одржување на стабилноста. Банкарскиот сектор останува стабилен, добро капитализиран и ликвиден. Благодарение на мерките на НБРМ зголемено е и нивото на депозити во банките.

Како клучна забелешка на Агенцијата е дека најголемата закана за македонската економија е пролонгирањето на политичката криза, за која велат дека е тешко да се прогнозира кога ќе заврши. Сепак посочуваат дека фискалната и монетарната политика се поставени на здрави основи, поради што го потврдуваат кредитниот рејтинг.

Реакција за амандманската канонада на Грчките и Бугарските Европратеници на Предлог Резолуцијата за Македонија

Во врска со амандманската канонада на Грчките и Бугаските Европратеници на Предлог Резолуцијата за Македонија, поднесена од известувачот Европратеникот Иво Вајгл, Претседателот на Македонската Алијанса, Ѓорѓија Џорџ Атанасоски, ја упатува следната реакција:

Амандманите на Предлог Резолуцијата за Македонија поднесена од известувачот Европратеникот Иво Вајгл ги потврдува предупредувањата на Македонската Алијанса.

Нивната содржина уште еднаш докажува дека соседите ја злоупотребуват нашата внатрешна политичка криза за да ги наметнат своите националистички агенди.

Грчките и Бугарските Европратеници не пропуштаат прилика да се обидат да го нападнат и загрозат Македонскиот идентитет.

Обидите да се избрише придавката “Македонски” од Резолуцијата, да се игнорира пресудата на Меѓународниот Суд во Хаг, како и тврдењето дека има 100 илјади Бугари во Македонија заедно со барањата да се одземе препораката за отпочнување на преговорите за членство е уште еден јасен сигнал дека Татковината во овој период е цел на оркестриран напад од соседите по сите основи.

Наместо Грција да ја почитува пресудата на Меѓународниот Суд во Хаг од 2009 и да ги одблокира Евроатланските интеграции на Македонија, нејзините претставници во Европскиот Парламент дрско се обидуваат да ги избришат своите обврски.

Политичките радикални структури во естаблишментите на Грција и Бугарија треба да објаснат во Европскиот Парламент зошто негираат постоење на повеќе од 1 милион Македонци во Пиринска Македонија и Бугарија, и 1,7 милиони Македонци во Егејска Македонија, кои спротивно на сите демократски принципи на ЕУ и универзални вредности на ООН ги асимилираат и го негираат нивниот Македонски национален идентитет. Тоа е вистинско прашање за Европскиот Парламент!

Македонскара Алијанса уште еднаш апелира до најодговорните Македонски политички партии да се освестат и да разберат дека не се поголеми од Македонија.

Никој нема право да ја ризикува иднината на Татковината!

Колку и да е голем антагонизмот меѓу Македонските политички партии сите ние мора да смогнеме сили и за стратешките национални интереси на Македонија и Македонскиот народ да се изгради сеопшт консензус, кој во овие чувствителни моменти за Татковината е повеќе од неопходен.

Македонските политички партии мора заеднички и неодложно да се усогласиме и недвосмислено да соопштиме дека, ниту една политичка партија нема да дозволи соседите да се мешаат во внатрешните прашања на Македонија свесно инвестирајќи во нарушувањето на добрососедските односи, да си поигруваат со чувствата на Македонскиот народ и со тоа да покажуваат целосно непочитување на суверенитетот на Република Македонија.

На домашната, но и на целата меѓународна јавност, недвосмислено да и укажеме дека без разлика на сложените внатрешни политички односи, ниту една политичка партија, ниту еден лидер или политичар во Татковината никогаш нема да се согласи да преговара или разговара за промена или откажување од најсветото Македонско име и идентитет.

Само со ваков пристап на нашите пријатели во Европскиот Парламент ќе им помогнеме да донесат вистински одлуки кои ќе ги одржат Евроатланските перспективи на Република Македонија.

Вкупно 318 амандмани на резолуцијата за Македонија во ЕП

Вкупно 318 амандмани се поднесени на предлог-резолуцијата за Република Македонија во Европскиот парламент, која минатиот месец ја подготви и претстави пред Комитетот за надворешни работи на ЕП (АФЕТ) известувачот Иво Вајгл, јави дописникот на МИА од Брисел.

Како што е веќе редовна пракса изминатите години, грчко-бугарските европратеници се предводници на амандманската канонада врз македонската резолуција и тие имаат поднесено речиси две третини од забелешките на првиот текст подготвен од Вајгл.

Од барање за целосно бришење на термините “Република Македонија“, „Македонија“, придавката „македонски“, што во предлог-резолуција се многупати застапени, па преку осуда за политичката криза и одземање на препораката за почеток на преговори за членство во Европската унија, признавање на 100.000 Бугари во Македонија, заедничка прослава на историски настани со Бугарија итн.

Осветување на црквата Св Димитрија Солунски во САД Јужна Флорида – Палм Бич

На 12 декември се освети црквата св. Димтрија Солунски во јужна Флорида, на West Palm beach САД.

Македонските иселеници Ѓорѓија Џорџ Атанасоски и Јосиф Атанасоски, беа дел од донаторите кои помогнаа во градењето на црквата со донација од над 200 илјади американски долари.

По 26 години чекање, Македонците од овој дел на САД добија Црква.

Со светиот чин на осветување чиноначалствуваше митрополитот Методиј со неколкумина свештиници.

На настанаот присуствуваа над 200 иселеници од Македонија, како и други жители од регионот.

Македонското друштво Илинден-Тирана додели благодарници

По повод осумгодишнината од основањето македонското друштво „Илинден“-Тирана додели благодарници на поединци и институции за нивни заслуги за зачувување и одржување на македонскиот идентитет на припадниците на македонското национално малцинство во Република Албанија.

Благодарници добија Македонска правиславна црква – Охридска аерхиепископија, Македонското меѓународно движење за човекови права-Торонто, Канада, Беќир Ала, активист во село Требиште, областа Голо Брдо и поранешен советник во Општина Требиште од МАЕИ, Мартин Бибовски автор на логото по повод јубилејот од формирање на друштвото, како и Иќмет Ислами, активист од село Мало Острени, Голо Брдо.

– Сите дадоа непроценив придонес за животот, историјата, културата и зачувувањето  на автентичната македонска традиција. Со тоа, помагаат за подобрување на секојдневието на македонското национално малциство во Република Албанија и афирмација на македонско друштво „Илинден“, вели претседателот на МД „Илинден“ Никола Ѓурѓај.

„Илинден“, потенцира Ѓурѓај, постојано работи на заштитата на етничкиот, јазичниот, културниот идентитет и национални традиции на Македонците во Албанија.

Mакедонско друштво „Илинден“ е формирано на шести февруари 2009 година во Тирана.

Евзони и денеска затворен за сообрајќај

Граничниот премин Евзони, на македонско-грчката граница, е се уште затворен за сообраќај поради штрајк на грчките земјоделци. Отворени за сообраќај се премините Дојран и Меџитлија.

Од АМСМ информираат дека на граничниот премин Дојран поради зголемена фреквенција има задржувања од најмалку еден час. На останатите граничните премини, освен на граничниот премин Богородица, нема подолги задржувања за влез и за излез од државата.

Сообраќајот на патиштата се одвива во зимски услови по наместа  влажни коловози, а интензитетот на сообраќај на патните правци надвор од градските средини е умерен.

Магла со видливост од 50 до 100 метри има на патните правци Тетово, Скопје и Катланово.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е почеста  појава на одрони, особено на патните правци: Кочани -Мак. Каменица – Делчево, Виница – Берово, Гостивар – Стража, Маврово – Дебар – Струга, Д. Капија – Удово, Катланово – Велес, Крушево – Демир Хисар и Ресен – Буково.

СЕ ПОКАЧУВА НИВОТО НА РЕКИТЕ

Најголемо покачување на водосотојот има на реките Радика, Треска, Сатеска. На реката Радика покаувањето е 42 см, на Треска кај Македонски Брод 35 см, а на Сатеска водостојот е повисок за 29 см од вчерашниот, соопшти Управата за хидрометеоролошки работи.

И на останатите реки се бележат благи до умерени покачувања.

Како последица на топењето на снегот се очекува покачувањето на водостојот на сите водотеци во земјата да продолжи. Поради позитивните температури на воздухот проследени со врнежи од дожд и топење на снег УХМР предупредува на внимателно движење покрај водотеците и суводолиците, особено во западниот дел од државата.

Атанасоски со писмена реакција за ставот на Алексис Ципрас

Во врска со ставот на Грчкиот Премиер, Алексис Ципрас, кој во рамки на официјалната посета на Србија, ја обвини Македонија за непријателство и национализам, Претседателот на Македонската Алијанса, Ѓорѓија Џорџ Атанасоски, ја упатува следната реакција:

Нема повеќе никакви дилеми дека постои разлика меѓу ставовите на Павлопулос, Ципрас и Коsиас. Сите клучни играчи во надворешната политика на официјална Атина имаат ист негаторски, понижувачки и провокативен став за Македонското прашање. Ова уште една директна потврда дека таканаречените мерки за градење доверба се едно големо ништо!

Бидејќи Ципрас тврди дека Грција покажала трпение за решавање на спорот за името, а за возврат од Македонија добила непријателство и национализам, би било логично раководството на ЕУ и НАТО да му ги постават следните прашања:

Што е според него Грчкото барање за промена на Уставното име и откажување од Македонскиот национален идентитет? Дали асимилаторската политика и промената на сите Македонски топоними од Егејска Македонија после Букурешкиот договор од 1913 се разликува од денешните иредентистички тврдења на Павлопулос дека Македонија е Грчка?

Чие непријателство е Грчкото вето за прием на Македонија во НАТО во Букурешт во 2008?

За какво трпение зборува Ципрас кога официјална Атина не ја почитува ниту пресудата на Меѓународниот Суд во Хаг, а во Белград за други прашања се повикува на токму на меѓународното право?

Аман, што е многу, многу е! Вакво лицемерие и двоен морал е премногу дури и за Грчките политичари кои секогаш кога им паѓа рејтингот вежбаат средновековен национализам на Македонското прашање.

За жал, ставот на Ципрас е доказ дека иредентизмот, непризнавањето на историската вистина и непријателскиот став кон Македонија и Македонскиот народ е официјална Грчка политика, која треба да се отфрли како недостојна за една земја членка на ЕУ и НАТО!

Затоа нека не се чуди Грција што добива дипломатски шлаканици како онаа од Малта која го призна Уставното име на Република Македонија.

Земајќи предвид дека Татковината се наоѓа во крајно чувствителен период во кој како што се продлабочува внатрешната политичка криза така соседите се повеќе се обидуваат да ја злоупотребат за наметнување на нивните националистички агенди, Македонската Алијанса упатува уште јавен повик до Македонските политички партии, кои без разлика на нивниот анимозитет неодложно мора да изградат консензус за прашањата од национален интерес и веднаш да го сторат следното:

Прво, на домашната, но и на целата меѓународна јавност, јасно и недвосмислено да и соопштат дека без разлика на сложените внатрешни политички односи, ниту една политичка партија, ниту еден лидер или политичар во Татковината никогаш нема да се согласи да преговара или разговара за промена или откажување од најсветото Македонско име и идентитет.

Второ, одлучни и единствени мора да ја осудиме националистичката, иредентистичка и негаторска политика на политичките претставници на Грција. Еднострано да ги замрзнеме сите разговори за таканаречените мерки за градење доверба, се додека официјална Атина не се извини за скандалозните провокации. Нема никаква логика да се создава привид со некакви мерки за добро соседство, бидејќи е повеќе од јасно дека кај Грчката страна не постои искрена волја за создавање доверба.

Трето, ниту една политичка партија нема да дозволи соседите да се мешаат во внатрешните прашања на Македонија свесно инвестирајќи во нарушувањето на добрососедските односи,  да си поигруваат со чувствата на Македонскиот народ и со тоа да покажуваат целосно непочитување на суверенитетот на Република Македонија.

Македонските политички партии мора да сфатат дека не се поголеми од Македонија! Нема и не може да се прави компромис на штета на стратешките интереси на Македонскиот народ!

Трамп потпиша указ за затегнување на миграциската политика на САД

Американскиот претседател Доналд Трамп вчера објави дека потпишал указ за „Заштита на нацијата од влегување на странски терористи во САД“.

Тој предвидува времено стопирање на политиката на давање азил и забрана за граѓаните на неколку муслимански земји да влезат на територијата на САД.

– Воведувам нови мерки за контрола, кои ќе ги држат радикалните исламистички терористи надвор од САД, рече Трамп во Пентагон по церемонијата на стапување на должност на новиот министер за одбрана Џејмс Матис.

Трамп нагласи дека САД сакаат да ги примат само „оние луѓе, кои ја поддржуваат нашата земја и кои длабоко го почитуваат нашиот народ“.

Претседателот на САД ги спомена загинатите во терористичките напади на 11 септември 2001 година и рече дека САД никогаш нема да ги заборават лекциите, научени тој ден. Тој потсети дека повеќето напаѓачи биле Саудијци, кои добиле визи од САД.

Согласно указот и неговите анекси, кои беа објавени од Белата куќа, американските власти ќе забранат во рок од три месеци влез на државјани од седум муслимански земји: Ирак, Иран, Либија, Сомалија, Судан, Сирија и Јемен. Исклучок ќе биде направен за оние граѓани, кои поседуваат дипломатски визи, за официјалите претставници на тие земји и за вработени во меѓународни организации.