Автори Posts by boskowsky

boskowsky

50 POSTS 0 КОМЕНТАРИ

Писмена реакција за обвинувањата на Грчкото МНР

Во врска со официјалното соопштение на Грчкото Министерство за надворешни работи со кое го осуди учеството на Генералниот Конзул на Македонија во Торонто, Канада, Јовица Палашевски на настан организиран од Македонската Дијаспора, директно обвинувајќи дека со неговото обраќање е прекршена Времената Спогодба, бидејќи позади говорницата на која се обратил биле поставени географска карта во етничките граници на Македонија и знаме со сонцето на Кутлеш, Претседателот на Македонската Алијанса, Ѓорѓија Џорџ Атанасоски, ја упатува следната реакција:

 

Владата на Република Македонија, а особено Никола Димитров не треба да го одмолчат ова скандалозно соопштение на Грчкото МНР, кое има за цел повторно да злоупотреби редовен годишен настан на Македонската заедница во Торонто, за да се обиде да ја претстави официјална Атина жртва и наводна цел на некаков Македонски иредентизам.

 

Наместо во Министерството да ја истражуваат евентуалната одговорност на Конзулот во Торонто за да ги задоволат ниските страсти на Грчките националисти, треба јасно и недвосмислено да се отфрлат сите обвинувања како несериозни. Ако им недостасуваат аргументи, ова е нашиот придонес:

 

Прво, во Торонто ние Македонците ја славиме нашата Македонска историја, херои и симболи. Ниту нешто туѓо сакаме, ниту присвојуваме! Затоа е смешно да не обвинуваат нас за иредентизам!

 

Второ, од кога за официјална Атина стана важна Времената Спогодба? Зошто двојни аршини? За да се повикува на овој меѓународен договор, официјална Атина, како осудена земја, прво треба да ја прифати и спроведе пресудата на Меѓународниот Суд во Хаг и да не се противи Македонија да стане членка на НАТО Алијансата, што ќе обезбеди долгорочна стабилност во регионот, што е и во нивен интерес.

 

Трето, за Грчкиот иредентизам кон Македонија е доволен еден пример. Не треба да се нотираат изјавите и постапките на Каменос и Коsиас. Грчкиот Претседател Прокопис Павлопулос во серија и со умисла го провоцира Македонскиот народ и директно работи на влошување на добрососедските односи избирајќи намерно од Егејска Македонија, од Воден, Солун, Костур, Сер кои сведочат за историски огромната неправда која на Македонија и е нанесена со Букурешкиот договор, да тврди дека Македонија не постои.

 

Нотирањето на овие 3 аргументи е доволно за да се разобличи евтиниот трик на Коsијас да наметне знак на равенство со тоа што Македонија ќе ја обвинаи дека наводно ја прекршува Времената Спогодба. Само постои огромна разлика! За Грција постои пресуда Меѓународниот Суд во Хаг, а за Македонија редовни хистерични напади од нивните Грчките политичари.

 

Сепак, ова скандалозно соопштение на Грчкото МНР во комбинација со најавите дека Никос Коsиас наводно ќе ја откажел најавената посета на Македонија, ја потврдува горката вистина дека официјална Атина воопшто нема намера да се откаже од своите радикални барања, уцени, блокади и закани насочени кон принуда да се откажеме од името и идентитетот.

Токму затоа Македонската Алијанса оцени дека „конструктивноста“ на Премиерот Зоран Заев, кој во своето прво интервју на јавниот сервис, изјави дека новата Влада нема да ја провоцира Грција како во минатото со поставување споменици, преименување на автопатишта и аеродроми, е крајно непотребна и понижувачка за нашата меѓународна позиција. Владата на Зоран Заев и Никола Димитров може уште сто пати да изјавува дека нашето реферирање на античките корени на Македонскиот народ било провокација за нашиот јужен сосед и одело на штета на Македонија, но тоа ништо не менува!

 

Најодговорните политички фактори, треба конечно да сфатат дека на нашата надворешна политика не и потребна сервилност, туку консензус за прашањата од национален интерес. Додека не се охрабриме и конечно прекршиме сите во Татковината и одлучно не соопштиме дека без разлика на сложените внатрешни политички и меѓуетнички односи, ниту една политичка партија, ниту еден лидер или политичар во Македонија никогаш нема да се согласи да преговара или разговара за промена или откажување од најсветото Македонско име и идентитет, ќе продолжат да не понижуваат злоупотребувајќи ја нашата внатрешна разединетост.

 

 

 

МАКЕДОНСКА АЛИЈАНСА

Претседател,

                                                                                         Ѓорѓија Џорџ Атанасоски

Писмена реакција за именувањето на нов Директор на Државниот Завод за статистика

Почитувани,

 

Во врска со одлуката на Владата да го именува Зирап Асани, на предлог на ДУИ, за нов Вршител на должноста Директор на Државниот Завод за Статистика, Претседателот на Македонската Алијанса, Ѓорѓија Џорџ Атанасоски, ја упатува следната писмена реакција:

 

Што згреши претходното кадровско решение на СДСМ кој беше Директор на Државниот Завод на Статистика само 40-тина дена, сметано од 27 јуни кога беше именуван од новата Влада на Зоран Заев? Нели едно од стожерните ветувања на СДСМ беше брзо и законско спроведување на пописот? Од каде сега во коалиционите кадровски комбинаторики оваа исклучително важна позицијата, прв пат од независноста на Македонија, оди во рацете на Албанскиот политички фактор? Зошто Зоран Заев, токму после усвојувањето на скандалозниот нов Закон за употреба на јазиците од страна Владата, симптоматично се откажува од раководењето на Државниот Завод за Статистика и му го препушта на ДУИ кој беше категорично против законско спроведување на пописот во 2011? Дали е на повидок нов обид за спроведување на фалсификуван попис? Дали за да ја зачува Владината коалиција, фотељите и функциите СДСМ направи уште еден трул договор со ДУИ на штета на Македонските национални интереси?

 

Во Татковината не е спроведен попис цели 15 години исклучиво заради политички причини и полтронско однесување на најодговорните Македонски политички фактори, кои за жал секогаш ги избираат привилегиите и плодовите на власта наместо долгорочните интереси на нашата заедничка Држава. Ние еднаш мора да се преброиме и тоа не со политичка формула туку по меѓународни стандарди за една вообичаена статистичка операција. Не во термини кога им одговора на Албанските политички фактори кои со сила сакаат да ја довлечкаат Албанската Дијаспора и лажно да претстават дека живее во Македонија.

 

Македонската Алијанса најостро се спротиставува на одлуката на Владата на Зоран Заев управувањето со Државниот Завод за Статистика да му го препушти на ДУИ. Али Ахмети после скандалозните обиди за фалсификат на пописот во 2011 нема никаков кредибилитет да предлага кадровски решенија за оваа исклучително важна Државна институција.

 

Во името на Македонската Дијаспора бараме Претседател на Државната Пописна Комисија која ќе го спроведува следниот попис да биде наш претставник, кој ќе биде лице со углед, кредибилитет, чесен и способен да постапува исклучиво по слово на Закон, а не врз основа на политички диктат.

 

Македонската Алијанса бара Владата на Зоран Заев и Али Ахмети веднаш да го повлечат скандалозниот Закон за употреба на Албанскиот јазик. Нема што Венецијанската Комисија да дава конечно мислење за двојазични униформи во АРМ и двојазични банкноти. Секој студент по право од прва година знае дека овие одредби се во целосна спротивност со Уставот. Ниту во Охридскиот Рамковен Договор постои одредба која дефинира дека во Општините и Градот Скопје каде Албанците формално се водат дека се над 20 проценти треба да има двојазични Државни ознаки на полицијата, пожарникарите и здравствените работници.

Доста е политички пазари со кои се раскрчмува Македонскиот национален идентитет. Прво нека се спроведе реален законски попис па откако ќе се види реалноста тогаш ќе може да се разговара за вистински и принципиелен граѓански концепт на Македонското општество. Македонскиот народ не може со лажни проценти и понатаму да биде уценет во сопствената Држава!

 

 

МАКЕДОНСКА АЛИЈАНСА

Претседател,

                                                                                 Ѓорѓија Џорџ Атанасоски

Писмена реакција за интервјуто на на Красимир Каракачанов за Бугарска ТВ Нова

Во врска со интервјуто на Бугарскиот Министер за одбрана Красимир Каракачанов кој во Скопје, на денот на еден од најголемите Македонски празници Илинден даде серија на провокативни изјави за Бугарската ТВ Нова, Претседателот на Македонската Алијанса, Ѓорѓија Џорџ Атанасоски, ја упати следната реакција:

Македонската Алијанса освен што најостро ја осуди провокацијата на Каракачанов кој среде Скопје, со умисла и подмолно ја повтори својата позната идентентистичка и националистичка реторика, туку упативме и неколку логични барања до Владата на Република Македонија, за кои сметавме дека би биле логичен дипломатски реципроцитет после ваков скандал на Министер за одбрана во Владата на Бојко Борисов, која упорно инсистираше на потпишување на Договор за добрососедски односи, наметнувајќи го како услов за нашите Евроатлански интеграции.

Имено, побаравме од Владата на Зоран Заев и Радмила Шекеринска веднаш јавно и остро да ја осудат провокацијата на Красимир Каракачанов и да побараат од Бугарскиот Премиер Бојко Борисов веднаш да се огради од ваквиот став на неговиот Министер за одбрана.

Министерот за надворешни работи Никола Димитров да го прогласи за “персона нон грата” и за да ги заштити своите национални интереси веднаш да му забрани влез на Красимир Каракачанов во Македонија, бидејќи и покрај негови претходни испади, на Илинден беше примен со сите Државни почести, повторно се обиде да го понижи Македонскиот народ.

Министерката за одбрана Радмила Шекеринска да се заблагодари и веднаш во знак на протест да ја испрати назад во Софија сета воена помош што ја доби Македонија за справување со пожарите. Се додека Красимир Каракачанов е Министер за одбрана на Бугарија не прифаќаме никаква понатамошна соработка.

За жал, Владата на Република Македонија цела недела молчи за скандалозната провокација на Каракачанов која “де јуре” претставува прекршување на Договорот за Добрососедство и тоа истиот ден кога беше потпишан во Скопје.  Наместо како Држава да ставиме јасно до знаење дека нема да дозволиме да си играат мајтап со нас, ние уште го примивме Претседателот на Бугарскиот Парламент Димитар Главчев во Македонија, без да му упатиме никаква реакција. Како ништо да не се случило!

Да се разбереме, Гоце Делчев и Даме Груев ќе станат Бугари тогаш кога Бугарските историчари ќе докажат дека на Марс има Бугарска колонија. Ниту “Илинден” е Бугарски празник, ниту ние имаме заедничка историја со нив. Македонија и Македонскиот народ, особено за време на Втората светска војна, беа на вистинската страна, на фронтот за слобода и правда, се бореа против фашизмот, и заради тоа беа жртва на Бугарската окупаторска војска. Тоа е еден од најпрецизните историски факти дека Македонците и Бугарите не се и никогаш не биле ист народ.

Сепак, Красимир Каракачанов не е од вчера и како актуелен Министер за одбрана во Бугарската Влада точно знае какви последици предизвикува неговата националистичка реторика.

Неговата дрскост е доказ дека сме во право кога тврдиме дека Бугарските власти немаат искрен пристап во обидот да се затворат отворените прашања што ги оптеретуваат нашите билатерални односи со децении. Во спротивно, со Договорот експлицитно ќе го признеа Македонскиот национален идентитет и ќе прифатеа обврска да ги спроведат пресудите на Европскиот Суд за човекови права и да го регистрираат ОМО Илинден-Пирин. Македонија  со ваков пристап попушта несразмерно многу и прифаќа обврски со кои си пука директно во нога нанесувајќи огромна штета на своите меѓународни позиции. Како што тргнало, додека Македонските власти свесно молчат за провокациите од Бугарска страна, заради одредени несреќно прифатени одредби, утре кога ќе реагираме кога некој во Скопје ќе се обиде да прави панихида за Мара Бунева, Бугарската Влада ќе смета дека е прекршен Договорот за добрососедски односи.

Во оваа прилика уште еднаш предупредуваме дека евентуална ратификација на ваков Договор ќе и даде дополнителен мотив на официјална Атина да ни го зададе последниот удар, со аргументација дека ние самите сме се откажале од нашиот национален Македонски идентитет.

Затоа, доколку Договорот за добрососедски односи со Бугарија, во ваква форма на сила се ратификува во Собранието, Македонската Алијанса со сите политички средства ќе се бори Македонија еднострано да го раскине Договорот, повикувајќи се на членот 13, точка 3.

Писмена реакција во врска со најавената посета на Грчкиот министер за надворешни работи на Грција, Никос Коѕиас

Во врска со најавената посета на Грчкиот министер за надворешни работи на Грција, Никос Коѕиас, Претседателот на Македонската Алијанса, Ѓорѓија Џорџ Атанасоски, го соопштува следното:   Македонската Алијанса веќе долг период јавно предупредува дека постои сериозна опасност нашите внатрешни слабости и национално неединство да бидат злоупотребени за задавање на последниот удар кон обезличување на нашата Татковина.Сметаме дека Договорот со Бугарија и Законот за јазици се многу опасни проекти кои треба од внатре да го нападнат и оспори нашиот Македонски национален идентитет како вовед во евентуалното решавање на спорот за името по Грчки терк.

Во тој контекст последно најавената посета на Никос Коsиас упатува на заклучокот дека Македонија е во крајно чувствителна фаза за својата иднина. Воопшто не е случајно што смислено се зголемуваат очекувањата а со тоа и притисокот на Владата на Зоран Заев дека е потребно брзо решение за името за да се остварат нашите Евроатлански аспирации.

За жал, и покрај нашите добронамерни апели, најодговорните Македонски политички партии, заради теснопартиските интереси да се задржи или освои власта, не успеаа да изградат консензус за стратешките национални прашања, заради што Татковината може да влезе во уште подлабока криза.

Македонската Алијанса смета дека во изминативе години од независноста, Македонија покажа огромна конструктивност и сериозност во напорите да изнајде разумен пристап во билатералните односи со официјална Атина. Направивме огромни отстапки, а Грчките политички елити во ниту еден момент не пропуштаат да соопштат дека никакви меѓународни притисоци нема да ги сменат Грчките црвени позиции во спорот за името упорно спроведувајќи јасвојата стратегија со уцени и притисок да го бараат од насневозможното.

Македонија и Македонскиот народ не бараат подароци, туку остварување на универзалното демократско право на самоопределување кое и припаѓа на секоја земја членка на ООН.

Македонија и Македонскиот народ бараат нашите меѓународни пријатели и сојузници да го обезбедат спроведувањето на пресудата на Меѓународниот Суд во Хаг со што нашата Татковина ќе стане полноправен член на НАТО Алијансата и со тоа во прва фаза ќе се обезбеди стабилност во регионот. Особено што најдобра гаранција за унитарноста на Македонија и нејзината долгорочна стабилност е членството во НАТО.

Новото владејачко мнозинство кое во овој период презема огромен дел од одговорноста за иднината на нашата заедничка Татковина мора да му се стави до знаење дека огромното мнозинство на Македонскиот народ во Републиката и надвор од границите има цврсто и непоколебливо изграден став дека разговори и преговори за прифаќање на предлози на промена на Уставното име нема и не може да има, бидејќи секој кој евентуално би се нафатил на такво велепредавство ќе мора да си ја прифати и казната од народот.

Актуелната Влада треба да бидат целосно свесна за предизвиците со кои се соочува Татковината, и добро да размислат за секој нивен потег во периодот што следува. Македонскиот народ нема намера да прифаќа нови понижувања кои ќе го загрозат вековното име Македонија и Македонскиот национален идентитет.

 

 

МАКЕДОНСКА АЛИЈАНСА

                                                                                                                                            Претседател,

Ѓорѓија Џорџ Атанасоски

Писмена реакција за Законот за употреба на јазиците

Во врска со одлуката на Владата да го усвои Законот за употреба на јазиците,
Претседателот на Македонската Алијанса, Ѓорѓија Џорџ Атанасоски, ја упатува
следната реакција:
Македонската Алијанса во името на целата Македонска Дијаспора изразува
разочарување од постапките на новата Влада. За жал, Премиерот Зоран Заев во
неполни 100 дена погази се што јавно вети. Скандалозниот Закон за јазици е
последниот чин кој потврдува дека "Тиранска платформа" е жива и останува услов без
чие исполнување оваа Влада нема да има мнозинство. Наводните гаранции кои му
беа доставени на Претседателот на Републиката биле "гола вода".
Кај се видело и чуло ваков Закон да се дебатира и изгласа во Собрание за само 3
дена? Се уште не добивме одговор од кога и како овој Закон стана неопходна
реформа за нашите Евроатлански интеграции за да влезе во процедура под
Европското знаме?
Зошто брзање? Нели Владеачкото мнозинство не убедува дека е во интерес на сите
граѓани? Ако е навистина така, зошто тогаш не се дебатира во нормална процедура во
која сите граѓани ќе бидат убедени дека се прави нешто добро за нив?
Да бидеме на чисто! Владејачкото мнозинство знае дека мора на брзање да го тера
Законот за јазици бидејќи тој е толку штетен што брутално ги гази Македонските
национални интереси. Законот е противуставен бидејќи многу јасно е наведено во
Уставот дека јазикот што го говорат најмалку 20 проценти од граѓаните, е службен
јазик само во Општините каде што тие живеат во мнозинство или значителен број.
И оваа Влада бега од пописот како ѓавол од темјан бидејќи Албанските политички
фактори не смеат да бидат разголени со демаскирање на вештачки креираните
проценти на население кое се декларира како Албанско во Македонија.
Законот за јазици повторно укажува дека Македонскиот политички фактор во Владата
е уценет и седнат во скут.
Новото Владино мнозинство стои на стаклени нозе, чим Премиерот е приморан пред
локалните избори, да ризикува да изгуби Македонски гласови, по секоја цена да ги
задоволи хировите на неговите Албански коалициони партнери со вакво срамно
Законско решение. Уште повеќе јасно е дека СДСМ и на локалните избори ќе смета на
значителен, ако не и поголем број на Албански гласови споредено со
парламентарните, затоа што ќе го продава овој Закон како нивна заслуга која ги
алиментира интересите на Албанците.
Премиере Заев, до кога Македонскиот народ ќе страда заради фотељите, функциите и
привилегиите на Македонските политичари? Зошто голата власт е послатка и поважна
од интересите на сопствениот народ? Зарем не Ви е јасно каков грев ќе направите?
Колку Македонски синови кои го положиле животот за Македонските идеали ќе ги

помножите со нула? Зошто одработувате агенда која го разјадува Македонскиот
национален идентитет? Со Договорот со Бугарија и со Законот за јазици, Вие
дозволувате од внатре да биде оспорено она за што сме се бореле со векови?
Ова не поминува, бидејќи токму ова го чекаше Грција! Оваа Влада има мнозинство да
става свои кадри на функции за да спроведуваат политики за вистинско добро за
граѓаните, а нема мандат да ја раскрчмува Македонштината и душата на народот.
Сакаме уште еднаш да нагласиме дека Македонската Алијанса нема ништо против
нашите сограѓани Албанци, но во оваа држава некои работи мора да станат јасни!
Македонскиот и Албанскиот јазик во Република Македонија никогаш не може да бидат
на исто рамниште! Не може на униформите и на парите да има Албански ознаки и
јазична транскрипција, а Албанските фактори во Македонија да не се ни осмелуваат
да побараат од Владата на Еди Рама да го признае Уставното има на нашата
заедничка Татковина? Доста од двојни аршини!
Македонската Алијанса уште еднаш ги повикува сите најодговорни политички фактори
да се разбудат и да го преземат својот дел од одговорноста.
Доколку овој Закон за употреба на јазиците помине во Македонското Собрание сите
политички чинители во Собранието ќе си ја понесат целата одговорност.
Народот ќе си дојде по своето!

 

МАКЕДОНСКА АЛИЈАНСА
Претседател
Ѓорѓија Џорџ Атанасоски

Писмена реакција за Законот за употреба на јазиците       

Во врска со одлуката на Владата да го усвои Законот за употреба на јазиците, Претседателот на МА, ЃЏА, ја упатува следната реакција:
Претседателот на СДСМ и актуелен Премиер, Зоран Заев, прекрши уште едно свое ветување, за кое потпиша и писмени гаранции, дека таканаречената Тиранска платформа нема да биде услов за Владината коалиција, ниту пак на било каков начин нема да биде загрозуван Уставниот поредок.
Од каде сега Венецијанската Комисија ќе дава конечно мислење за двојазични амблеми во Армијата на Македонија? Што значи ова, дека во Македонскиот дел од Владата постои политичка воља за ова велепредавство, само се чека алиби за да се спроведе во пракса?
Со кои одредби од Охридскиот Рамковен Договор е предвидено дека во Општините и Градот Скопје каде Албанците формално се водат дека се над 20 проценти треба да има двојазични аблеми на полицијата, пожарникарите и здравствените работници?
Од кога тоа овој Закон стана неопходна реформа за нашите Евроатлански интеграции, за да оди во Собрание со Европско знаме?
Конечно, зошто Владата на Зоран Заев на истата седница на која одлучи Албанскиот речиси да го изедначи со Македонскиот јазик, не донесе одлука да спроведе попис?
Наместо да шират триуфализам за Законот за јазиците, каде се Албанските политички лидери од Македонија да побараат од Владата на Еди Рама да ја признае Македонија под Уставното име? Нели Талат Џафери на Мечкин Камен го цитираше Крушевскиот Манифест?
Македонската Алијанса ги повикува сите најодговорни политички фактори да се разбудат и да го преземат својот дел од одговорноста. Не може Македонија да се раскрчмува, а некој по линија на помал отпор, со несторување да аминува распродавање на Македонските национални интереси! Каде е Претседателот на Републиката, Ѓорѓе Иванов? Нели неговата Претседателска заклетва го обврзува да го штити Уставниот поредок на Татковината?
После Договорот со Бугарија, овој Закон е втор удар за Македонскиот национален идентитет. Со условувања и закани за опстојување на Владата на Зоран Заев, со брутален политички пазар, Албанските политички фактори со силата во Собранието наметнуваат двојазичност на целата територија, што е апсолутно надвор од Охридскиот Рамковен Договор.
Овој Закон не смее да помине по ниту една цена, бидејќи оди во прилог на официјална Атина. Албанските политички профитери заслепени од нивните тесно партиски интереси во пресрет на локалните избори, по Грчки терк, од внатре го напаѓаат Македонскиот национален идентитет. Грчките радикали и иреденти ова го чекаат.
Нашата внатрешна слабост да им создаде можност за да го зададат последниот удар за промена на светото Македонско име и откажување од Македонскиот национален идентитет.
Доколку овој Закон за употреба на јазиците помине во Македонското Собрание и ВМРО ДПМНЕ и СДСМ ќе си ја понесат целата одговорност. Прочка нема веќе!
Единствениот Македонски Градоначалник во Албанија, Едмонд Темелко, не може да ги брани интересите на своите браќа и сестри Македонци,затоа што остана без пасош, додека амнестирани за Хашките случаи облечени во политичко руво сега и кројат капа на Татковината!
Доста беше!
Не може на најодговорните политички фактори да им се подраги фотељите и функциите од Македонската Држава и Народ!

Писмена реакција на провокацијата на Красимир Каракачанов

Почитувани,

 

Во врска со интервјуто на Бугарскиот Министер за одбрана Красимир Каракачанов кој за нивен медиум во Скопје провокативно изјави дека Илинден е Бугарски празник, Претседателот на Македонската Алијанса, Ѓорѓија Џорџ Атанасоски ја упати следната реакција:

 

Македонската Алијанса најостро ја осудува провокацијата на Красимир Каракачанов кој среде Скопје, триумфалистички ја повтори својата позната идентентистичка и националистичка реторика. Не издржа ни еден ден, а Бугарската Влада веќе го прекрши Договорот за Добрососедство. Красимир Каракачанов не е од вчера и како актуелен Министер за одбрана во Владата на Бојко Борисов точно знае какви последици ќе предизвика неговата провокација.

 

Гоце Делчев и Даме Груев ќе станат Бугари тогаш кога Красимир Каракачанов ќе докаже дека на Марс има Бугарска колонија. Ниту “Илинден” е Бугарски празник, ниту ние имаме заедничка историја со нив. Македонија и Македонскиот народ, особено за време на Втората светска војна, беа на вистинската страна, на фронтот за слобода и правда, се бореа против фашизмот, и заради тоа беа жртва на Бугарската окупаторска војска. Тоа е еден од најпрецизните историски факти дека Македонците и Бугарите не се и никогаш не биле ист народ.

 

Бараме од Владата на Зоран Заев и Радмила Шекеринска веднаш да ја осудат провокацијата на Красимир Каракачанов и да побараат од Бугарскиот Премиер Бојко Борисов веднаш да се огради од ваквиот став на неговиот Министер за одбрана.

 

Министерот за надворешни работи Никола Димитров да го прогласи за “персона нон грата” и да му забрани влез во Македонија. Ако Грчките погранични власти можеа мене, со Американски пасош, да ми забранат влез, само заради тоа што сум Македонец, Владата може да ги заштити своите национални интереси и веднаш да му забрани влез на еден Каракачанов кој во Македонија, каде беше примен со сите Државни почести, се обиде да не понижи како народ.

 

Министерката за одбрана Радмила Шекеринска да се заблагодари и веднаш во знак на протест да ја испрати назад во Софија сета воена помош што ја доби Македонија за справување со пожарите. Се додека Красимир Каракачанов е Министер за одбрана на Бугарија не прифаќаме никаква пнатамошна соработка.

 

Македонслата Алијанса ја повикува ЕУ и НАТО Алијансата да реагираат на оваа провокација на Министер на нивна земја членка, бидејќи со вакви потези се рушат сите принципи и вредносни стандарди на кои почиваат овие сојузи.

 

Дрскиот однос на Красимир Каракачанов е доказ дека бевме во право дека Бугарските власти немаат искрен пристап во обидот да се затворат отворените прашања што ги оптеретуваат нашите билатерални односи со децении. Во спротивно, со Договорот експлицитно ќе го признеа Македонскиот национален идентитет и ќе прифатеа обврскс да ги спроведат пресудите на Европскиот Суд за човекови права и да го регистрираат ОМО Илинден-Пирин.  Со ваков Договор Македонија  попушта несразмерно многу и прифаќа одредби со кои си пука директно во нога нанесувајќи огромна штета на своите меѓународни позиции.

 

Македонската Алијанса уште еднаш предупредува дека евентуалната ратификација на ваков Договор ќе и даде дополнително погонско гориво на официјална Атина да ни го зададе последниот удар, со аргументација дека ние самите сме се откажале од нашиот национален Македонски идентитет.

 

Затоа, доколку Договорот за добрососедски односи со Бугарија, во ваква форма на сила се ратификува во Собранието, Македонската Алијанса со сите политички средства ќе се бори Македонија еднострано да го раскине Договорот, повикувајќи се на членот 13, точка 3.

 

Македонскиот народ со своето отсуство на Мечкин Камен на прославата на Илинден покажа дека нема да дозволи ниту пак да прости велепредавство, без разлика дали се прави со сторување или лажно противење.

 

 

МАКЕДОНСКА АЛИЈАНСА

Претседател,

                                                                                 Ѓорѓија Џорџ Атанасоски

Обраќање по повод 2-ри Август – Илинден

Почитувани,

По повод прославување на 114 години од Илинденското Востание и 73 години од Првото заседание на АСНОМ што се одржа во манастирот „Прохор Пчински“, Претседателот на Македонската Алијанса, Ѓорѓија Џорџ Атанасоски, со писмено обраќање упатува честитка до граѓаните на Република Македонија и до сите Македонци ширум Светот:

Драги браќа и сестри,

Без разлика на сериозните предизвици со кои се соочуваме веќе подолг период, историските дилеми и лажното толкување на фактите кои ни се наметнува со притисоци и закани за нашата иднина, ние како горд и достоинствен Македонски народ никогаш не смееме да заборавиме дека „Илинден“ е еден од нашите најголеми Македонски празник, Денот на Републиката, Светиот датум на Првото заседание на АСНОМ, Денот по кој отсекогаш се одредувала Македонската историја, и тоа, на времето пред двата Илиндена, кога Македонија била под ропство, и на времето после двата Илиндена, кога Македонскиот народ храбро и одважно го дигна својот глас и ја извојува долгоочекуваната слобода.

Затоа, со голема гордост сакам да Ви го честитам 2-ри Август, „Илинден“ и од името на целата Македонска Дијаспора да Ви порачам да продолжиме да бидеме горди на нашето минато и исправено да чекориме по патот кој нашите претци ни го трасираа и се бореа за да живееме достоинствен живот во нашата Татковина како демократска, независна и унитарна Држава.

Знам дека многумина од Вас деновиве чувствуваат горчина и пелин во душите. Многумина ми пишуваа и се јавуваа да побараат од мене помош, некој да стави крај на сите обиди за наше понижување како народ.

Македонија низ историја поминала безброј премрежја, разни окупаторски сили се обидувале да не угнетат, да не присвојат, асимилираат за да исчезне нашиот Македонски идентитет, јазична и културна посебност. Политиката на одредени елити кај соседите никогаш до крај не била искрена кон нас. Сакаат да не месат како тесто и да не моделираат по нивни терк. За жал, не ретко, во овие свои намери, си наоѓаат соработници и меѓу нашите општествено политички фактори.

Но Македонија и Македонскиот народ, никогаш не потклекна. Колку ударите се посилни, ние Македонците уште пожестоко опстојуваме и со го браниме своето. Можат уште 100 патти да не’ ни дозволуваат да одиме во „Прохор Пчински“, но никогаш не можат да ни го одземат АСНОМ. Ниту еден Договор за добрососедство не може да ја смени реалноста. Македонија и Македонскиот народ за време на Втората светска војна беа на вистинската страна, на фронтот за слобода и правда, се бореа против фашизмот, и заради тоа беа жртва на Бугарската окупаторска војска. Тоа е еден од најпрецизните историски факти дека Македонците и Бугарите не се и никогаш не биле ист народ. Бадијала заедничко славење, бадијала тврдење дека имаме заедничка историја, бадијала издавање на Бугарски пасоши во Пустец, Мала Преспа, Голо Брдо, Гора во Албанија, Македонскиот народ никогаш нема да биде жртва на политички одлуки! Кој што сака нека потпишува, Македонија никогаш нема да се откаже од своите браќа и сестри Македонци кои живеат надвор од границите на Републиката. Ниту ние, ниту генерациите кои доаѓаат, не можат да ја избришат историската неправда која ни беше направена со Букурешкиот Договор. Сакаме добрососедски односи, но на принципилена основа, без уцени и барања чие исполнување оди на наша штета. Сите обиди за велепредавство на Македонските национални интереси од актуелните Македонски политички фактори ќе будат пресретнати од Македонскиот народ!

Ние никогаш нема да се согласиме да попуштиме под уцените на официјална Атина и да се откажеме од сопствениот Македонски идентитет и светото вековно име Македонија! Сакаме да станеме полноправен член на ЕУ и НАТО Алијансата но врз основа на принципите на меѓународното право и правда.

Македонски народе,

Ние мора да продолжиме посветено да работиме, секој во рамките на своите можности, во изградбата на една модерна и просперитетна држава која никогаш нема да ги заборави својата култура и традиција.

На оние кои се обидуваат да ни наметнат историја со други корени да им порачаме дека Македонија е вечна и исконска земја, да се биде Македонец е нешто свето и тоа никогаш нема да можете да ни го земете.

Наша заедничка патриотска должност е да се избориме за силна, стабилна, просперитетна и обединета Македонија! Тоа е наследството од нашите претци и нашиот влог за генерациите Македонци кои доаѓаат.

Како што Македонците беа обединети за време на Илинденското востание, денес нашата патриотска должност повторно не повикува да бидеме сложни и решителни за одбрана на нашата Македонска историја и нашата сигурна иднина во која нема да влеземе обезличени, откажани од нашиот Македонски идентитет и променето свето име Македонија!
Нека ни е честит 2-ри Август! Нека ни е вечна Татковината!
МАКЕДОНСКА АЛИЈАНСА

Претседател,
Ѓорѓија Џорџ Атанасоски

Во врска со контроверзната содржина на договорот за пријателство, добрососедство и соработка со Бугарија

Во врска со контроверзната содржина на договорот за пријателство, добрососедство и соработка со Бугарија, Претседателот на Македонската Алијанса, г-динот Ѓорѓија Џорџ Атанасоски го соопштува следниот став:

Почитувани,

Македонската Алијанса изразува загриженост заради контроверзната содржина на договорот за пријателство, добрососедство и соработка со Бугарија и сметаме дека потпишувањето, како и евентуалната ратификација со моменталната содржина негативно би се одразило врз Македонските национални интереси, но и на унапредување на долгорочните односи помеѓу Македонија и Бугарија.

Македонската Алијанса ги подржува сите иницијативи за унапредување и градење на добрососедски односи, но тоа мора да биде на принципиелна основа. Бугарија е наш важен сосед кој прв ја призна Македонија под Уставното име, ја подржува унитарноста на земјата и дава поддршка на нашите Евроатлански интеграции, но сепак имаме отворени прашања кои ги оптоваруваат нашите билатерални односи со децении.

Македонската Алијанса уште еднаш предупредува дека секоја евентуална согласност за некои спорни одредби од таканаречениот Договор за добрососедски односи со Бугарија, со кои ќе се оспорува посебноста на нашата Македонска култура, јазик и идентитет, ќе значи дека самите се откажуваме од нашиот национален идентитет.

Ниту еден политичар или партија не може да прифаќа и да ветува остварување на нешто што не е, и не може да биде прифатливо за Македонскиот народ. Секој кој ќе тргне контра на ова основно демократско начело, се обиде да стори велепредавство, ќе мора да сноси одговорност за своите неразумни постапки.

Членот 11 од договорот е спротивен на Членот 49 од Уставот на Република Македонија со што се отвора можност овој договор подоцна да биде изваден пред Уставниот суд и поништен по потпишувањето, создавајќи меѓународен скандал. Во овој член нашата Татковина е условена да не се меша во внатрешните работи на Бугарија, но истиот услов не е поставен и за Бугарија. Во овој случај, Македонија отстапува од борбата за културните и човековите права на Македонското малцинство во Бугарија, што е крајно неприфатливо.

Договорот мора да предвидува обврска за Бугарските власти да ги испочитуваат меѓународните норми, особено пресудите на Европскиот суд за човекови права кои ги третираат Македонците кои живеат таму. Ние не можеме да бараме од нашите меѓународни сојузници да ја спроведат пресудата на Меѓународниот Суд во Хаг за противправното Грчко вето во Букурешт, ако самите, во други случаи се откажуваме од меѓународната правда за фундаменталните демократски права на Македонскиот народ.

Во Договорот, Македонија не може да превземе обврска за менување на историските факти. Македонија и Македонскиот народ за време на Втората светска војна беа на вистинската страна, на фронтот за слобода и правда, се бореа против фашизмот, и заради тоа беа жртва на Бугарската окупаторска војска. Тоа е еден од најпрецизните историски факти дека Македонците и Бугарите не се и никогаш не биле ист народ.

Уште по поразително е тоа што во времето на премиерот Ѓорѓи Димитров уште во далечната 1948 година се признаваше Македонскиот народ а сега истиот е вешто изоставен од договорот. Како е тоа можно? Зарем Македонскиот народ во Бугарија исчезна? Дополнително друго прашање е третирањето од страна на Република Бугарија на зборот Македонец како географски а не како национален поим.

Македонската Алијанса уште еднаш предупредува дека секоја евентуална согласност за некои спорни одредби од таканаречениот Договор за добрососедски односи со Бугарија, со кои ќе се оспорува посебноста на нашата Македонска култура, јазик и идентитет, ќе значи дека самите се откажуваме од нашиот национален идентитет, што ќе ја отвори можноста за официјална Атина да ни го зададе последниот удар.

Македонскиот народ нема да дозволи велепредавство, без разлика дали ќе се направи со сторување или лажно противење. Доста е од политички игри и манипуации!

МАКЕДОНСКА АЛИЈАНСА
Претседател,
Ѓорѓија Џорџ Атанасоски

Соопштение за јавност за финиширањето на преговорите за Договорот за добрососедство меѓу Македонија и Бугарија

Почитувани,

 

Во врска со медиумските информации дека изминатиот викенд во Софија, во присуство на Министрите за надворешни работи Никола Димитров и Екатерина Захариева, финиширале преговорите помеѓу работните групи на Македонија и Бугарија за деталите од Договорот за добрососедство, Претседателот на Македонската Алијанса, Ѓорѓија Џорџ Атанасоски, го соопштува следното:

 

Ние ја разбираме потребата на новата Влада на Зоран Заев веднаш да покаже нешто ново, и поразлично од претходно, особено во надворешната политика, фокусирајќи се на брза интеграција во ЕУ и НАТО, но таквиот пристап не може и не смее да ги става под прашање националните интереси. Во најмала рака е несериозно, речиси никој во Македонија, кој не е дел од преговорачкиот тим, да не знае што се преговараше и што се договори во Софија, со што треба да се затворат одредени крупни разлики кои веќе се децении ги компликуваат односите меѓу Македонија и Бугарија. Клаузулите за некаква непотребна тајност само ги потхрануваат сомневањата дека договореното нема да биде одраз на очекувањата на Македонскиот народ.

 

Земајќи предвид дека најавите се дека Договорот за добрососедство ќе биде потпишан на големиот Македонски празник „Илинден“, а до 2-ри август има само уште 20-тина дена, сметаме дека е неопходно Владата веднаш и неодложно да ги објави сите детали од договореното и тие да бидат предмет на широка сеопфатна дебата на експертската, но и политичката јавност.

 

Македонскиот народ е вознемирен бидејќи е под постојана и секојдневна канонада на националистички провокации од Бугарски политичари кои се дел од коалиционата Влада на Бојко Борисов, кои ја оспоруваат Македонската историја, упорно тврдејќи дека ние се китиме со туѓи перја, директно алудирајќи дека всушност не постои Македонски јазик, туку само  и единствено официјален јазик на територијата на Република Македонија.

 

Македонската Алијанса, во името на целата Македонска Дијаспора, од Министерот за надворешни работи Никола Димитров, бара веднаш да одговори на следните прашања:

 

Дали Договорот за добрососедство ќе биде „асиметричен“ или целосно и до крај ќе ги заштити Македонските национални интереси? Ќе ги признае ли конечно Бугарската Влада нашата Македонска историја, јазик и идентитет или со некакви димпломатски формулации е направено „бај-пас“ решение кое ќе ја загрози нашата иднина?

 

Какви решенија содржи договорот за да обезбеди гаранции дека Бугарските власти конечно ќе се одважат да ги спроведат пресудите на Европскиот Суд за човекови права, ќе им ги признаат основните демократски права на Македонците кои живеат таму, вклучително и регистрацијата на ОМО Илинден – Пирин?

 

Дали сме преземале обврска да ги менуваме нашите учебници по историја и да ги шминкаме историските факти кои не одат во прилог на Бугарската историја? Дали Министерката за надворешни работи на Бугарија, Екатерина Захариева, во име на Бугарската Влада, го прифати конечно историскиот факт дека браќата Кирил и Методиј се Македонци кои на Словенските народи им ја овозможија азбуката и писменоста, или уште стои на тврдењата дека Македонците и Бугарите се ист народ?

 

Македонската Алијанса ја користи приликата јавно да предупреди дека евентуален нов политички трик како оној со срамната референца БЈРМ, која му се продаваше на Македонскиот народ како привремено решение кое требаше да трае само два месеци, уште еднаш нема да помине!

 

Договорот за добрососедство со Бугарија мора да биде достоинствен и целосно и веднаш да ги заштити Македонските национални интереси! Секоја евентуална согласност за некои спорни одредби со кои самите ќе си ја оспориме посебноста на нашата Македонска култура, јазик и идентитет, ќе значи самоуништување, пукање во нога кое ќе ја отвори можноста за официјална Атина да ни го зададе последниот удар.

 

Ниту еден политичар или партија не може да прифаќа и да ветува остварување на нешто што не е, и не може да биде прифатливо за Македонскиот народ. Секој кој ќе тргне контра на ова основно демократско начело, се обиде да стори велепредавство, ќе мора да сноси одговорност за своите неразумни постапки.

 

 

 

 

МАКЕДОНСКА АЛИЈАНСА

Претседател,

                                                                                Ѓорѓија Џорџ Атанасоски